..كلمات بعض أغاني السيدة فيروز...

مرحباااااا

يعني مكتبة الست فيروز كبيرة كتيرر وراائعة كتيرر...
وأكييد كلمات هالأغاني شي كتيرر بسيط من أرشيف أغانيها المميزة..

بهدي الكلمات لكل محبي الست فيروز...





بكتب إسمك يا حبيبي

بكتب اسمك يا حبيبي عالحور العتيق

تكتب اسمي يا حبيبي عرمل الطريق

بكرا بتشتي الدنيي عالقصص المجرحه

بيبقى اسمك يا حبيبي و اسمي بينمحى

بحكي عنك يا حبيبي لأهالي الحي

بتحكي عني يا حبيبي لنبعة المي

و لما بيدور السهر تحت قناديل المسا

بيحكوا عنا يا حبيبي و أنا بانتسى

و هديتني وردة فرجيتا لصحابي

خبيتا بكتابي زرعتا عالمخده

هديتك مزهرية لا كنت تداريها

و لا تعتني فيها تاضاعت الهدية

و بتقلي بتحبني ما بتعرف قديش

ما زالك بتحبني ليش دخلك ليش



قالوا العدا

قالوا العدا قالوا شو خبروا و قالوا

وعدوا الصبايا و ما إجوا خلوا الحلو بحالو

عالعين لاقيتو مليت و سقيتو قلتلو تتهنى

قالي ياماشالله يلا اكبري يلا تنجيبك لعنا

في سياج عاشمالو مزهر على شمالو

جرح إيديه الحلو لما اجا يطالو

كان الهوى و كنا وكنتوا تجوا لعنا

صاروا يلمونا كل ما تزرونا يا ريت ما كبرنا

وردتنا مالوا بخصورهن مالوا

و هالقلب لولا الهوى شو كان عابالو


مشوار

مين قال حاكيتو و حاكاني عا درب مدرستي

كانت عم تشتي و لولا وقفت رنخت فستاني

و شو هم كنا صغار و مشوار رافقتو أنا مشوار

و قالوا شلحلي ورد عا تختي و شباكنا بعلا

و شو عرفو أيا تختي أنا و أيا تخت أختي

بيلفقوا أخبار و مشوار يا عيوني مرق مشوار

و قالوا غمرني مرتين و شد شوف الكذب لوين

مرا منيح اتنين؟ و لا ردتو إيدي و لا هو أرتد

شو بيفضحو ا أسرار و مشوار شفتو و ما رجع مشوار

كذبوا مين بيقول كذبوا مين كذبوا مين بيقول كذبوا مين

امبارح بنومي بصرت اني عازندو طرت و الأرض مفروشة كلا ياسمين

إن صح الحلم شو صار و مشوار جينا عالدني مشوار


تبقى ميل

تبقى ميل تبقى اسأل متل الأول ضل اسأل

الله لا يشغلك بال وديلي منك مرسال ... أسأل أسأل

أنا ما بدي تجي و تقول أعذريني مشغول

لفتة من بعيد بتكفيني و قلبي لك على طول

لا توديلي الزهر سلال و بالشوق تجرح موال

بس اسألني كيف الحال اسأل اسأل

سهرات القمر الحلوين هجرونا من سنين

زعلوا ناس و رضيوا ناس و نحنا المنسيين

أيام تغرب و قبال عينيي عالدرب خيال

و بلبل عاشق غط و قال اسأل اسأل


مرجوحه

بتمرجح بقلبك قلك أنا بحبك

قطف نجوم و قطف ازرعهن بدربك

قلك أنا بحبك أنا حبك

مرجوحتي تودي و شوف القمر حدي

تقلي انت لا تعلي قلك بعد بدي

شوف القمر حدي القمر حدي

يا حلو قلبك طاير فيي و أنتا طاير

شو بعمل تنرجعلو محسود منا و غاير

و قلبي هالملبك يسافر على دربك

و بخيال شي غنيي يقلك انا بحبك أنا حبك


بقطفلك بس بقطفلك بس هالمرة هالمرة بس عا بكرا عا بكرا بس شي زهرا شي زهرا حمرا و بس

و لا بدي شي بعد الا داريك بيتي بيصير وعد لما بحاكيك

يا ويل عيوني كيف بتندهلك متل المجنونة بتصير تقلك

بحلم و بضل شهر بالي مشغول بيطلعلي قول شعر ما بعرف قول

بتذكر مرة سهرنا بخيمة و بهاك السهرة وشوشتك كلمة
_________________