اللهم نجنا من موت الفجأة

رامي الشمالي
سوزان تميم
ذكرى
سعاد حسني
الله يرحمهم جميعا
كل فترة وفترة نسمع اخبار عن كيف ماتوا بعض الفنانين ولانهم مشهورين بنلاقي احيانا موتتهم غريبة ولانهم يمكن البعض منهم صغار بالسن بنصير نحكي وندعي الله انه يصبر اهاليهن
بس انا وبمجتمعي صارت حالتين وفاة عنجد أثرو فيني كتير مع انهم ما بقربولي
اول حالة:توفى اب وام اي زوجين في حالة حريق في مدينة العقبة (الاردن )وكان سبب الوفاة التماس كهربائي ادجى لوفاتهم
انا كنت بسمع عن هالعيلة انها عيلة سعيدة وانو الام كل اسبوعين تقريبا بتزور شقيقتها في الزرقاء لمدة يومين ولما ترجع زوجها من كتر حبه لالها كان كل يوم بغيابها يجيب الها بكيت بسكويت من نوع هي بتحبة
وفجأة بيوم رجعت على بيتها وسهرت وانبسطت مع اولادها ونامت
غرفة نومها بعيدة شوي عن غرف نوم ابنها الاعزب وبناتها الاثنتان
والساعة 6 صباحا الاب استيقظ على رائحة دخان وكذلك الام لان الاب كان معه القلب انخنق وراح بسرعة للشباك حتى يقدر يوخد نفس وبنفس اللحظة كان ينظر لزوجته
الام من كثر خوفها على اولادها فتحت باب الغرفة بعدين هبت النار على وجهها وما استسلمت مشيت في الممر لتطمن على اولادها وبعدين انزلقت على ظهرها ومن سخونة اليلاط انحرقت وكانت النار توكل فيها الاب هنا باخر نفس اتصل مع ابنه المتزوج وحكاله بالحرف الواحد :انا وامك حبيبتك عم نحترق
بعد هيك دخلوهم عالعناية والساعة 4 الفجر في اليوم التالي ماتت الام
وفي اليوم التالي الساعة 6 صباحا مات الاب
الاولاد جميعهم بخير
البنت الاكبر (متزوجة) للان اي بعد مضي 3 ايام على وفاتهم لم تصدق بان امها ماتت ولم تنزل اي دمعة مع ان خالتها وخالها ضربوها حتى تبكي بس بدون فائدة
البنت الوسطى يعني ما بقدر اوصفلكو حالتها لما شفتها يعني انا قعدت بالعزا حوالي ساعتين وكانت منهارة شي 3 مرات
اما البنت اخر العنقود فكانت كل شي نصف ساعة تحكي لخالتها بابا جاب 4 بكيتات بسكويت لامي من النوع اللي بتحبه انحرق بكيتين وضل بكيتين بطعميها اياهم لما تجي من الزرقاء
وبعدين تصير تحكي وتصرخ وتقول انا ما اللي دعوة بدي امي بعد اسبوعين ترجع من الزرقاء (من كثر صدمتها )
يعني انا اللي بدي احكيه انو لو شفتو كيف حالة البنت الصغيرة بس عنجد رح تبكو
وحالة الوفاة الثانية :بنت عمرها 16 سنة ماتت بحادث سيارة متل رامي الشمالي
وامها بتحكي للبنات اللي من جيلها فبل ما يجيبو الجثمان: تعالو احضرو عرس بنتي اماني هلأ بدي اطلعها على بيتها الاخير اوعى ما تجو يعني اللي بدي اقوله الله يرحم الجميع
وان لله وان اليه راجعون
وانتم السابقون ونحن اللاحقون
وعفكرة اتذكرو شي واحد بس لما ندخل عالقبر ما بكون معنا حدن بنحبه ولا شي او غرض خاص لالنا بالدنيا نقدر نوخده ولا اي شي يعني لا صاحب بنفع ولا ام ولا اب ولا اخ بنفع
ولا وقت مضيناه على مواقع وسخة بالنت بتنفع
اللي بنفع معاملة صاحب منيح واطاعة اهالينا ووقت مضيناه على مواقع دينية ومواقع منيحة ما فيها اي شي بخل بالاداب والسلام عليكم ورحمة الله وبركاته

بدنا ردودكو
وكل عضو يحكيلي شو شعوره لما قرأ هالقصة الحزينة

شكرااا صحفية ريان عنجد موضوع اكتر من رائع وانا مستغربة ليش ماحدا فات ورد على الموضوع
طبعا حسيت بالحزن على هل ناس يلي ماتت
الله يرحمهن

شكرا صحفية ريان كلام مؤثر وقصة حزينة بتعجز الكلمات عن وصف شعوري
الله يرحمن جميعا واكيد هيدا قدر والحمد لله ع سلامة الاولاد لانو يلي خلف مامات
اما بالنسبة للبنت الصغيرة الي ماتت الله يصبر اهلا انشالله
وشكرا مرة تاني.

بس ابتعرفي انو الموت فجاة اريح من الموت المنتظر
بس انشالله رب العالمين يحسن خاتمتنا ونكون عاملين بحياتنا شئ بيشفعلنا بالاخرة
وشكرا اللك

merci rawan 3anjad mawdou3 ra2e3
w el kalimet mou7zineh w bet2aser ktirrrr

2allah yer7amon kelonnnnnn ya rab
w ysaber el nes yali bet7ebon hayda adaron
merci mara tenyeh

شكرا على الموضوع

الموت راحة للانسان بس مو اي انسان طبعاااااا

الله يرحمنا اجمعين